15:03 Тошкентда фильм премьерасини жаҳон даражасида ўтказиш режалаштирилди. | |
 Ўзбекистонда шоу-бизнесни илгари суриш билан шуғулланувчи "Catalea Group" компанияси ўзбек фильмининг премьерасини жаҳон даражасида ўтказишни режалаштирмоқда.Компания таниқли ўзбек актёри, режиссёри ва хонандаси Алишер Узоқов билан шартнома имзолади. Унга кўра, Узоқов тўғрисидаги газета, журнал, сайт ва телевидениеда чиқадиган барча маълумотлар, барча фильмлар, қўшиқлар, контент, фотосуратларга бўлган муаллифлик ҳуқуқлари "Catalea Group" компаниясига ўтади. Шу муносабат билан компания Узоқов томонидан суратга олинган янги фильмнинг тўлиқ маркетинг ва реклама кампаниясини ўз зимасига олди. Ҳозирча ушбу хабар тафсилотлари маълум қилинмаяпти. "Catalea Group" фильмнинг улкан премьерасини таъминлайди. Ташкилотчиларнинг ваъда қилишича, премьера олий даражада ўтказилади. Шу тарзда "Catalea Group" фильмга ва Алишер Узоқовнинг бутун ижодига продюсерлик қилиш вазифасини ўз зиммасига олади. Қайд этиб ўтамиз, "Mening akam bo’ydoq" фильми Узоқовнинг энг йирик ишларидан бири ҳисобланади. 2011 йили Алишер Узоқов "Олтин гепард” кинофорумининг чеҳрасига айланганди. | |
|
| |
| Всего комментариев: 0 | |