19 октябр куни III "Олтин гепард” Тошкент халқаро кинофоруми ўз ишини бошлайди.

Фестивалнинг илк куни тўлиқ ва қисқа метражли ҳамда анимацион фильмлар танлови ҳамда ҳакамлар ҳайъати аъзолари иштирокидаги матбуот анжумани бўлиб ўтади. Шу куни япон, эрон ва хитойлик киноижодкорлардан маҳорат дарслари ҳам тақдим этилади. 

Шунингдек эртага халқаро кинофорумнинг тантанали очилиш маросими ҳам бўлиб ўтади.

Учинчи "Олтин гепард” Тошкент халқаро кинофоруми келиб тушган фильмларни саралаш жараёнида таркибида юртимизнинг етакчи кинотанқидчилари, режиссёр ва актёрлари бўлган саралаш комиссияси аъзолари хорижлик экспертлар иштирокида катта ҳажмдаги ишни амалга оширишди. Улар 500 дан ортиқ тўлиқ ва қисқа метражли ҳамда анимацион фильмларни кўриб чиқишди. Бу фильмлар ичидан кинофорумнинг танлов дастури учун 11 та тўлиқ метражли, 13 та қисқа метражли ва 10 та анимацион фильмлар, жами 34 та фильм саралаб олинди.

Кинофорумнинг қисқа метражли фильмлари танлов дастурида ўзбек режиссёрлари томонидан суратга олинган учта фильм намойиш этилади. Тўлиқ метражли фильмлар танлов дастурига эса ўзбек режиссёрларининг иккита фильми киритилган.

Халқаро кинофорум 24 октябрга қадар давом этади