Hayit bayramlari ikkitadir. Xalqimiz bu bayramlarni azaldan nishonlab keladi. Bularning birinchisi Qurbon hayiti, ya'ni "Iyd al-adha" deb ataladi. Uning oldidan ikki kun qolganda arafa kunlari nishonlanadi. Yolg'on arafa va bir kun qolganda chin arafa kunlari xonadonlarda chalpak, bo'g'irsoq, talqon va palov qilinadi. Qo'ni-qoshnilar bir-birlarini hayit bilan muborakbod etib, qo'shni xonadonlarga pishiriqlar chiqaradilar.