18:19 Futbolchilarimiz narxlari! | |
 Германиянинг Transfermarkt.de сайти асосан футболчиларнинг трансфер баҳоларини ҳисоблаш билан шуғулланади. Ўтган ҳафтада ушбу сайт терма жамоаларнинг умумий баҳоларини қайтадан ҳисоблаб чиқди. Transfermarkt.deнинг ҳисоб-китобига кўра, Испания жаҳоннинг энг қимматбаҳо терма жамоаси бўлиб турибди. Ушбу жамоанинг 20 нафар футболчиси 577 миллион еврога баҳоланган. Бу ҳар бир ўйинчининг трансфери ўртача 28,85 миллион еврога тенг деганидир. Кейинги ўринлардаги жамоаларнинг баҳолари испанларникига солиштирганда, анча арзон. Мисол учун, иккинчи поғонадаги Аргентинанинг 24 нафар футболчиси 399,8 (ўртача 16,6) миллион евродир. Ваҳоланки, сайт «Барселона» етакчиси Лионель Мессининг ўзини 100 миллион евро атрофида баҳолаган. Англия термасидаги 23 нафар футболчининг умумий трансфери 373,5 миллионга тенг. Ўртача ҳисоблайдиган бўлсак, ҳар бир инглиз ўйинчисининг баҳоси 16,2 миллионни ташкил этади. Германия терма жамоаси (22 нафар футболчи)да эса ўртача баҳо - 15,63 миллион. Яъни жамоанинг умумий баҳоси 344 миллион еврони ташкил қилади. Гарчи Италия терма жамоаси ФИФА рейтингида 11-поғонага тушиб кетган бўлсада, футболчиларининг трансфер баҳолари борасида юқори ўринларда бормоқда. «Скуадра Адзурра» сафида ўйнаётган ҳар бир футболчи ўртача 15 миллиондан кўпроққа баҳоланган (умумий - 345,5). Бразилия термасининг умумий баҳоси 335 миллионни ташкил қилмоқда. Ўшанда ҳар бир футболчининг ўртача нархи 13,9 миллион еврога тенг бўлади. Transfermarkt.de Ўзбекистон терма жамоасини 12,075 (ўртача 525 минг) миллион еврога баҳолади. Терма жамоамиз футболчилари орасидаги энг қиммат ўйинчи - бу Сервер Жепаров. Унинг трансфери 2,5 миллион еврога тенг. Иккинчи ўриндаги Одил Аҳмедовга эса 1,5 миллион евро нарх қўйилган. Аммо мазкур сайтнинг ҳисоблаш усули ҳамиша ҳам ҳақиқатга тўғри келавермайди. Мисол учун, Одил Аҳмедовни олайлик. Кўп бўлмади, Саудия Арабистонининг «Ал-Шабаб» клуби унинг учун тахминан 10 миллион евро тўлашга рози эканлигини маълум қилганди. Кўриб турганингиздек, ўртадаги фарқ 8,5 миллион еврони ташкил қилмоқда. Яна бир мисол, Қатарнинг «Лаҳвия» клубида тўп сураётган Жасур Ҳасановни атиги 25 минг еврога баҳолашган. Осиё кубоги баҳсларида бирорта ҳам ўйин ўтказмаган Фаррух Нурлибоевнинг трансфери эса 50 мингга тенг. Бундай мисолларни кўплаб келтиришимиз мумкин. Тўғриси, Transfermarkt.deда терма жамоамизнинг баҳоси амалдагидан анча оз кўрсатилган. Бироқ сайтнинг ўзига хос ҳисоблаш усули бор. У футболчининг олди-сотдисидаги маблағни эмас, балки унинг майдондаги ҳаракатлари ва шунга ўхшаш жиҳатларни инобатга олиб, баҳо чиқаради. Лекин шунда ҳам Ҳасановнинг баҳоси 25 минг бўлмаслиги керак. Сайт ходимлари 250 ўрнига 25 минг ёзиб қўйган бўлишлари ҳам мумкин. Бундан ташқари, сайтда Осиё чемпионатида иштирок этмаган айрим футболчиларимизнинг ҳам трансфер баҳолари маълум қилинган. Улар орасида энг қимматбаҳоси - «Пахтакор» вакили Шерзод Каримов. Ушбу футболчининг трансфери 300 минг еврога тенг. Собиқ иттифоқ ҳудудидаги терма жамоалар ўртасида Россия етакчилик қилмоқда. Жамоанинг 23 нафар футболчиси 186,1 миллион еврога баҳоланган бўлиб, ҳар бир ўйинчининг ўртача нархи 8,1 миллионни ташкил қилади. Кейинги ўринда 100,1 миллион (ўртача 4,5) билан Украина бормоқда. Шунингдек, Литва (23,7) ва Грузия (20,8) терма жамоалари футболчилари ҳам Ўзбекистонникидан яхши баҳоланган. Осиёда эса миллий жамоамиз Япония (60,7), Австралия (58,35), Ж.Корея (34,65), С.Арабистони (20,3) ва Эрон (17,5) термаларидан кейинги ўринда қайд этилган. Терма жамоаларнинг умумий баҳолари 1. Испания 20 577.000.000* 2. Голландия 20 190.000.000 3. Германия 22 344.000.000 4. Аргентина 24 399.800.000 5. Бразилия 24 335.000.000 6. Англия 23 373.500.000 7. Уругвай 19 145.450.000 8. Хорватия 23 158.600.000 9. Португалия 20 311.100.000 10. Греция 22 76.000.000 11. Норвегия 23 70.900.000 11. Италия 23 345.500.000 13. Россия 23 186.100.000 15... Япония 23 60.700.000 21... Австралия 23 58.350.000 29... Ж.Корея 22 34.650.000 33... Украина 22 100.100.000 43... Эрон 26 17.500.000 54... Литва 28 23.700.000 65... Арманистон 23 11.300.000 72... Грузия 23 20.800.000 75. Латвия 23 11.925.000 76. Хитой 23 3.775.000 77... Ўзбекистон 23 12.075.000 79... С.Арабистони 24 20.300.000 81... Иордания 23 3.700.000 87... Молдова 23 11.475.000 89. Ироқ 23 6.600.000 90... Қатар 23 6.275.000 96... Баҳрайн 23 6.575.000 100... Озарбайжон 22 5.925.000 103... Қувайт 24 675.000 108... Сурия 23 4.625.000 110. Уммон 21 5.080.000 111... БАА 24 4.200.000 113... КХДР 23 9.950.000 118... Таиланд 20 1.175.000 132... Қозоғистон 27 6.575.000 147... Тожикистон 19 475.000 153... Турманистон 20 1.875.000 173... Қирғизистон 20 640.000 Ўзбекистон терма жамоаси футболчиларининг трансфер баҳолари Дарвозабонлар: Темур Жўраев 250.000 Игнатий Нестеров 1.000.000 Мурод Зуҳуров 25.000 Ҳимоячилар: Шавкат Муллажонов 100.000 Анзур Исмоилов 150.000 Саҳоб Жўраев 200.000 Станислав Андреев 75.000 Фаррух Нурлибоев 50.000 Ярим ҳимоячилар: Азизбек Ҳайдаров 400.000 Сервер Жепаров 2.500.000 Одил Аҳмедов 1.500.000 Санжар Турсунов 700.000 Темур Кападзе 800.000 Жасур Ҳасанов 25.000 Виктор Карпенко 500.000 Вагиз Галиулин 750.000 Азиз Ибрагимов 300.000 Шавкат Саломов 100.000 Марат Бикмаев 300.000 Ҳужумчилар: Улуғбек Бақоев 300.000 Олим Новкаров 100.000 Александр Гейнрих 850.000 Максим Шацких 1.100.000 Жами: 12.075.000 Transfermarkt.de сайти томонидан баҳоланган бошҚа футболчиларимиз Аюбхон Гаппаров 50.000 Ислом Тўхтахўжаев 150.000 Шерзод Каримов 300.000 Зоҳир Пиримов 100.000 Даврон Мирзаев 50.000 | |
|
| |
| Всего комментариев: 0 | |