14:28 Aпрель ойининг энг яхши футболчиси ва мураббийи. | |
 Ўзбекистон футбол федерацияси оммавий ахборот воситалари овозига кўра Одил Аҳмедов иккинчи бор ойнинг энг яхши футболчиси деб топилди.Россиянинг "Анжи" клуби шарафини ҳимоя қилаётган Ўзбекистон миллий терма жамоаси аъзоси ўтган ой ҳисобидан Премьер-лигада 7 та ўйинда асосий таркибда майдонга тушиб, барчасида тўлиқ иштирок этди. Қўшимчасига 2 та ўйиннинг энг яхши футболчиси деб топилди. Қуйида Аҳмедов ва унинг жамоаси қайд этган натижалар билан танишинг: "Рубин" (0:1), "ЦСКА" (0:0), "Динамо" (0:1), "Спартак" (3:0), "Локомотив" (3:1), "Кубань" (2:2) ва "Рубин" (3:1). Сўровномада Аҳмедовдан ташқари яна 8 нафар футболчи иштирок этган бўлиб, шулардан Ойбек Қиличев, Азиз Ашуров ва Иракли Климиашвли каби номлар 1 мартадан 3-ўринда кўрсатиб ўтилган. Қолган беш нафар футболчи – Анвар Солиев, Темурхўжа Абдуҳолиқов, Иван Нагаев, Лутфулла Тўраев ва Максим Шацких иккинчи ўрин учун курашиб кўришди. Мос равишда "Бунёдкор" ва "Пахтакор" ҳужумчилари 2-3 ўринларни бўлашиб олишди. Қизиқ томони, Одил Аҳмедов энг яқин таъқибчиси Анвар Солиевни оз эмас, кўп эмас 11 очкога ортда қолдирди. | |
|
| |
Апрель ойининг энг яхши мураббийи сифатида эса ОАВ версияси бўйича Миржалол Қосимов эътироф этилди.| Всего комментариев: 0 | |