17:54 Қайси жамоага жаҳон чемпионатида яланг оёқ ўйнашларига руҳсат беришмаган? | |
 Қаерда ва қачон футбол шарҳловчиси туман туфайли майдонни курмаса хам, бутун ўйинни радиошарҳини олиб борган?1940 йилда Шотландиянинг Эдинбург шаҳри икки жамоси "Хайберниан” ва "Хартс” ўртасида дерби бўлиб ўтиши керак эди. Қуюқ туман тушганлиги сабабли "ВВС” шарҳловчиси Боб Кингсли ўзи ўтирган хонасидан ўйинни кўришни умуман иложисини қила олмаган. Лекин унга ўйинни тўлиқ шарҳлаб бориш топширилган, акс ҳолда эфирни эшитиб ўтирган немислар туман тушганидан фойдаланиб шаҳарни бомбардимон қилишлари мумкин эди. Кингсли ўйинни боришини муҳлисларни хайқириқларига қараб олиб борган. Гол бўлган вазиятларни, дарвозабонларни "сейв”ларини ва хатто сариқ карточкаларни хам ўйлаб топиб шарҳлаб борган. Ўйин Хартсни 6:5 ҳисобидаги ғалабаси билан ниҳоясига етган. Қайси ўйновчи мураббий ўзини кучлироқ жамоага сотишни уддасидан чиққан? Англия тарихидаги ҳозиргача энг ёш ўйновчи мураббий ҳисобланиб келаётган Айвор Бродис 1946 йили Каркайл Юнайтед жамоасини бошқараётганда 23 ёшда эди. Орадан 3 йил ўтгандан сўнг, у ўзини ўзи Сандерланд клубига ўша вақтлардаги катта сумма ҳисобланган 18 минг фунт стерлинга сотиб юборган. Қачон ва қаерда футбол ўйинида 200 дан ортиқ одам иштирок этган? 2010 йил 17 майда Испанияда ғайриоддий ҳайрия учрашуви бўлиб ўтган. Атлетик Бильбао жамоаси бир вақтни ўзида 200 та болаларга қарши ўйинда иштирок этган. Болалар 66-80-51 тактикада ва учта дарвозабон билан ўйнашларига қарамасдан 3:5 ҳисобида мағлуб бўлишган. Кимлар вақти вақти билан Италияда Диего Марадонани "шилмоқда”? Марадона "Наполи” жамосида ўйнаб юрган вақтларида солиқлардан қочиб юрган ва ҳозирда бу сумма 40 миллион долларга етиб қолган. Шунинг учун Диего Италияга келганида баъзи нарсаларидан воз кечишга мажбур бўлмокда. 2006 йили солиқ полицияси уни қимматбаҳо "Rolex” соатини, 2009 йили эса хатто қулоғидаги зирагини ҳам ечиб олишга мажбур бўлганлар. Мусодара қилинган нарсалар кейин аукционда ўз нарҳидан анча қиммат нарҳларга сотилган. Қайси давлатда 2002 йили премьер-министр ўзининг кабинетида футбол ўйнашни машқ қилган? Май ойининг қуёшли кунларидан бирида япон премьер-министри Дзюньитиро Коидзумини хонасидан чиқаётган шовқинли овоздан ҳавотир олган тан соқчилари министрни хонасига бостириб кирганлар. Хонага кирган тан соқчилар ажойиб вазиятни устидан чиқдилар. Премьер министр хонасини деворига футбол тўпи билан зарба берарди. Чунки Япония ва Корея давлатларида бўлиб ўтадиган жаҳон чемпионатини очилишига саноқли кунлар қолганди. Олдинлари тўп билан муомала қилмаган министрга эса жаҳон чемпионатини очилиш учрашувида тўпни рамзий маънода ўйинга киритиш топшилганди. Нима учун бразилиялик футболчи ўйинга оғзи скотчланган ҳолатда тушган? Ўша пайтда "Штутгарт” ўйинчиси ҳисобланган бразилиялик футболчи Жованни Элбер ўйинларни бирида биринчи таймда ҳакам билан баҳслашгани учун сариқ карточкага лойиқ кўрилган. Иккинчи таймга Элбер намойишкорона оғзини қизил скотч билан беркитиб чиккан. Қайси футболчи футбол формасига алмаштирилган? 1992 йили "Крилья Советов” жамосидан Владикавказнинг "Спартак” жамоасига ўтган Сергей Бодакни трансфери собиқ жамоасига бутун бошли футбол экипировкасини келтирган. Қайси уруш футбол ўйинида мағлуб бўлгандан келиб чиққан? Гондурас миллий терма жамоасини Сальвадор терма жамоасига жаҳон чемпионати учун саралаш плей-офф матчида ютқазиб қўйганли сабаб, икки давлат ўртасида 1969 йили олти кунлик уруш бўлиб ўтган. Қайси жамоага жаҳон чемпионатида яланг оёқ ўйнашларига руҳсат беришмаган? 1950 йили Бразилияда бўлиб ўтган жаҳон чемпионатида иштирок этишни ҳоҳлаган Хиндистон миллий терма жамоасига ФИФА томонидан руҳсат берилмаган. Бунга асос қилиб эса хиндларни хали ҳам футболни яланг оёқда ўйнашлари сабаб бўлган. Қайси испан клуби хеч ҳам легионер таклиф қилмайди? Испаниянинг "Атлетик” Бильбао, яъни Басклар ўлкасини марказида жойлашган ушбу жамоа ўйинларни фақат ўз мактабларидан чиққан футболчилар билан олиб боради. Жамоага таклиф қилинадиган ўйинчини ҳам қонида басклар қони оқиши керак ёки ушбу ўлкада қариндошлари бўлиши шарт. Энг баланд шовқин бўладиган стадион қаерда? Туркиянинг "Галатасарай” футбол клуби фанатларидан янги рекорд. Шу йилнинг 18 март куни Туркия чемпионатида "Фенербахче” клуби билан бўлган ўйинда ўз шовқинларини 131,76 децибелга етказишган. Энг аламли сафар Аргентина терма жамоасининг Педро Гатика исмли муҳлиси она шаҳри Буенос Айресдан то Мексикагача велосипедда сафарга чиққан. Уни орзуси Аргентина терма жамоасини жаҳон чемпионатидаги ўйинини стадионда туриб бевосита кўриш эди. Масофа ҳам оз эмас кўп эмас 7300км (!!!) эди. Кеч қолиб борганидан ўйинга билет ололмаган, билет излаб юрганида эса уни жонажон велосипедини ўғирлаб кетишган. | |
|
| |
| Всего комментариев: 0 | |